Adults 19+ Mental Health Intake Services

Kung ikaw ay isang adult na mahigit sa 19-taong-gulang at naninirahan ka sa Vancouver Coastal Health region, maraming mental health intake services na available para tulungan kang ikonekta sa mga serbisyo at resources; ang mga serbisyong ito ay makakapag-refer din sa marami sa aming mental health at substance use programs. Ang layunin ay ang itugma ang mga pangangailangan ng isang tao sa mga tamang serbisyo at resources sa tamang panahon. Pinagsisikapan naming magbigay ng low-barrier access sa pangangalaga at suportang nagbibigay-diin sa kliyente.

Ang sinomang pamilya, caregiver, o táong nag-aalala ay maaaring tumawag para magreport ng mga alalahanin, magbigay ng impormasyon, at mag-request ng mga serbisyo para sa isang táong nangangailangan ng suporta sa pangkaisipang kalusugan.

May mental health intake services na available malapit sa iyo

May tulong na available. Kontakin ang isang serbisyo malapit sa iyo para magsimula o malaman kung ano ang mga serbisyo sa pangkaisipang kalusugan na available sa iyong lugar.

Kung gumagamit ka ng droga o alak, ang substance use intake services ay tumutulong sa adults na 19+ taong-gulang at sa kanilang mga pamilya na maka-access ng substance use support services sa Vancouver Coastal Health region. Maraming mga serbisyo ang nagsusuporta rin sa mga kahirapan sa pangkaisipang kalusugan at kahirapang nararanasan dahil sa paggamit ng droga o alak.

• Kung nakatira ka sa Vancouver, tumawag o mag-walk in sa Access and Assessment Centre (AAC) (17+ taong-gulang). 
• Kung nakatira ka sa Richmond, tumawag sa Richmond Community Mental Health and Substance Use Central Intake sa (604) 204-1111. 
• Kung nakatira ka sa North Shore, kasama ang Deep Cove at Lions Bay, kontakin ang Central Intake Team at the HOpe Centre. 
• Kung nakatira ka sa Sea-to-Sky region, kontakin ang Sea-to-Sky Mental Health and Substance Use Services. 
• Kung nakatira ka sa Sunshine Coast, kontakin ang Mental Health and Substance Use Services sa Sechelt Mental Health Building 
• Kung nakatira ka sa Bella Bella, tumawag sa ƛúxválásu'ailas Heiltsuk Hospital sa 250-957-2314.
• Kung nakatira ka sa Bella Coola, tumawag sa Bella Coola General Hospital sa 250-799-5311.

Karagdagang suporta para sa mga kabataang 12 hanggang 24 taong-gulang

Ikaw ba ay kabataang 12 hanggang 24 taong-gulang? Kung gayon, ang mga lokasyon ng Foundry ay nag-aalok din ng suporta para sa mga táong may mga alalahanin sa pangkaisipang kalusugan at na gumagamit ng droga o alak. Humanap ng isang Youth & Young Adult Mental Health Drop-In Clinic sa iba't-ibang mga lokasyon, kasama ang North Shore, Sea-to-Sky at Richmond.