ਜੰਗਲੀ ਅੱਗ ਦਾ ਧੂੰਆ

ਧੂੰਏਂ ਵਿਚ ਪ੍ਰਦੂਸ਼ਣ ਦੇ ਬਹੁਤ ਛੋਟੇ ਕਣ ਹੁੰਦੇ ਹਨ – ਜਿਨ੍ਹਾਂ ਨੂੰ ਪਾਰਟੀਕੁਲੇਟ ਮੈਟਰ ਜਾਂ ਪੀ ਐੱਮ ਦੇ ਤੌਰ `ਤੇ ਜਾਣਿਆ ਜਾਂਦਾ ਹੈ – ਜਿਹੜੇ ਤੁਹਾਡੇ ਸਾਹ ਲੈਣ ਵੇਲੇ ਤੁਹਾਡੇ ਫੇਫੜਿਆਂ ਦੇ ਅੰਦਰ ਡੂੰਘੇ ਚਲੇ ਜਾਂਦੇ ਹਨ। ਇਹ ਕਣ ਜਲਣ ਅਤੇ ਸੋਜਸ਼ ਦਾ ਕਾਰਨ ਬਣ ਸਕਦੇ ਹਨ। ਜੰਗਲੀ ਅੱਗ ਦੇ ਧੂੰਏਂ ਦੇ ਸਾਰੇ ਪ੍ਰਦੂਸ਼ਕਾਂ ਵਿੱਚੋਂ ਪਾਰਟੀਕੁਲੇਟ ਮੈਟਰ ਸਿਹਤ ਲਈ ਸਭ ਤੋਂ ਜ਼ਿਆਦਾ ਖਤਰਨਾਕ ਹੁੰਦੇ ਹਨ। ਬੀ ਸੀ ਸੀ ਡੀ ਸੀ ਦੀ ਇਸ ਤੱਥ ਸ਼ੀਟ ਤੋਂ ਜੰਗਲੀ ਅੱਗ ਦੇ ਧੂੰਏਂ ਦੀ ਬਣਤਰ ਬਾਰੇ ਜ਼ਿਆਦਾ ਜਾਣੋ। BCCDC fact sheet.

ਬਹੁਤੇ ਲੱਛਣਾਂ ਨਾਲ ਡਾਕਟਰੀ ਇਲਾਜ ਤੋਂ ਬਿਨਾਂ ਨਿਪਟਿਆ ਜਾ ਸਕਦਾ ਹੈ:   

• ਗਲਾ ਦੁਖਣਾ
• ਅੱਖਾਂ ਵਿਚ ਜਲਣ
• ਨੱਕ ਵਗਣਾ
• ਹਲਕੀ ਖੰਘ
• ਰੇਸ਼ਾ ਆਉਣਾ
• ਸ਼ੂਕਵਾਂ ਸਾਹ ਆਉਣਾ
• ਸਿਰਦਰਦ

ਕੁਝ ਲੋਕਾਂ ਵਿਚ ਜ਼ਿਆਦਾ ਗੰਭੀਰ ਲੱਛਣ ਹੋ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਫੌਰਨ ਡਾਕਟਰੀ ਮਦਦ ਲੈਣੀ ਚਾਹੀਦੀ ਹੈ। ਜੇ ਤੁਹਾਡੇ ਵਿਚ ਇਹ ਲੱਛਣ ਹੋਣ ਤਾਂ ਹੈਲਥਲਿੰਕ ਬੀ ਸੀ (8-1-1) ਨੂੰ ਫੋਨ ਕਰੋ, ਆਪਣੇ ਡਾਕਟਰ ਨਾਲ ਗੱਲ ਕਰੋ ਜਾਂ ਕਿਸੇ ਵਾਕ-ਇਨ ਕਲੀਨਿਕ ਜਾਉ:

• ਛੋਟੇ ਛੋਟੇ ਸਾਹ ਆਉਣਾ
• ਬਹੁਤ ਜ਼ਿਆਦਾ ਖੰਘ
• ਚੱਕਰ ਆਉਣੇ
• ਛਾਤੀ ਵਿਚ ਦਰਦ
• ਦਿਲ ਦੀ ਧੜਕਣ ਤੇਜ਼ ਹੋਣਾ

ਵੱਖ ਵੱਖ ਲੋਕਾਂ `ਤੇ ਧੂੰਏਂ ਦਾ ਵੱਖ ਵੱਖ ਅਸਰ ਹੁੰਦਾ ਹੈ, ਅਤੇ ਕੁਝ ਲੋਕਾਂ ਨੂੰ ਸਿਹਤ `ਤੇ ਅਸਰ ਪੈਣ ਦਾ ਜ਼ਿਆਦਾ ਖਤਰਾ ਹੁੰਦਾ ਹੈ। ਖਾਸ ਤੌਰ `ਤੇ ਲੋਕਾਂ ਦੇ ਇਨ੍ਹਾਂ ਗਰੁੱਪਾਂ ਲਈ ਜੰਗਲੀ ਅੱਗ ਦੇ ਧੂੰਏਂ ਦੇ ਸੰਪਰਕ ਵਿਚ ਆਉਣ ਨੂੰ ਘਟਾਉਣਾ ਮਹੱਤਵਪੂਰਨ ਹੈ:

• ਉਹ ਲੋਕ ਜਿਨ੍ਹਾਂ ਨੂੰ ਪੁਰਾਣੀਆਂ ਬੀਮਾਰੀਆਂ ਹਨ ਜਿਵੇਂ ਕਿ ਦਮਾ, ਕਰੌਨਿਕ ਓਬਸਟਰੱਕਟਿਵ ਪਲਮੋਨੇਰੀ ਡਿਜ਼ੀਜ਼ (ਸੀ ਓ ਪੀ ਡੀ), ਦਿਲ ਦੀ ਬੀਮਾਰੀ, ਅਤੇ ਸ਼ੂਗਰ
• ਗਰਭਵਤੀ ਔਰਤਾਂ
• ਛੋਟੇ ਬਾਲ ਅਤੇ ਛੋਟੇ ਬੱਚੇ
• ਬਜ਼ੁਰਗ
• ਜਿਹੜੇ ਲੋਕਾਂ ਵਿਚ ਸਾਹ ਦੀ ਇਨਫੈਕਸ਼ਨ ਦੀ ਪਛਾਣ ਹੋਈ ਹੈ

ਹੋਰ ਲੋਕਾਂ `ਤੇ ਵੀ ਜੰਗਲੀ ਅੱਗ ਦੇ ਧੂੰਏਂ ਦਾ ਅਸਰ ਪੈ ਸਕਦਾ ਹੈ। ਹਰ ਕਿਸੇ `ਤੇ ਵੱਖਰੀ ਤਰ੍ਹਾਂ ਅਸਰ ਪੈਂਦਾ ਹੈ, ਇਸ ਕਰਕੇ ਆਪਣੇ ਸਰੀਰ ਨੂੰ ਸੁਣੋ ਅਤੇ ਧੂੰਏਂ ਨਾਲ ਆਪਣਾ ਸੰਪਰਕ ਘਟਾਉ ਜੇ ਧੂੰਆ ਤੁਹਾਡੇ `ਤੇ ਅਸਰ ਪਾ ਰਿਹਾ ਹੈ।

ਜੰਗਲੀ ਅੱਗ ਦੇ ਧੂੰਏਂ ਦੇ ਸੰਭਵ ਨੁਕਸਾਨਦੇਹ ਅਸਰਾਂ ਤੋਂ ਰੱਖਿਆ ਕਰਨ ਦਾ ਸਭ ਤੋਂ ਬਿਹਤਰ ਤਰੀਕਾ, ਧੂੰਏਂ ਨਾਲ ਆਪਣੇ ਸੰਪਰਕ ਨੂੰ ਘਟਾਉਣਾ ਅਤੇ ਸਾਫ਼ ਹਵਾ ਵਿਚ ਸਾਹ ਲੈਣਾ ਹੈ:

• ਆਪਣੇ ਘਰ ਦੇ ਇਕ ਏਰੀਏ ਵਿਚ ਹਵਾ ਨੂੰ ਸਾਫ਼ ਕਰਨ ਲਈ ਚੱਕਵਾਂ ਐੱਚ ਈ ਪੀ ਏ ਏਅਰ ਕਲੀਨਰ ਵਰਤੋ
• ਜੇ ਐੱਚ ਈ ਪੀ ਏ ਏਅਰ ਕਲੀਨਰ ਉਪਲਬਧ ਨਾ ਹੋਵੇ ਤਾਂ ਘਰ ਵਿਚ ਬੌਕਸ ਫੈਨ ਏਅਰ ਫਿਲਟਰ ਬਣਾਉਣ ਬਾਰੇ ਵਿਚਾਰ ਕਰੋ
• ਪਬਲਿਕ ਥਾਂਵਾਂ `ਤੇ ਜਾਓ ਜਿਵੇਂ ਕਿ ਕਮਿਊਨਟੀ ਸੈਂਟਰ, ਲਾਇਬਰੇਰੀਆਂ, ਅਤੇ ਸ਼ਾਪਿੰਗ ਮਾਲ ਜਿੱਥੇ ਅੰਦਰ ਸਾਫ਼, ਠੰਢੀ ਹਵਾ ਹੁੰਦੀ ਹੈ
• ਧੂੰਏਂ ਵਾਲੇ ਦਿਨਾਂ ਨੂੰ ਬਾਹਰ ਸਰਗਰਮੀ ਅਤੇ ਕਸਰਤ ਕਰਨ ਨੂੰ ਸੀਮਤ ਕਰੋ ਕਿਉਂਕਿ ਜਿੰਨੇ ਜ਼ੋਰ ਨਾਲ ਤੁਸੀਂ ਸਾਹ ਲਉਗੇ, ਓਨਾ ਜ਼ਿਆਦਾ ਧੂੰਆ ਸਾਹ ਨਾਲ ਤੁਹਾਡੇ ਅੰਦਰ ਜਾਵੇਗਾ
• ਸੋਜਸ਼ ਨੂੰ ਘਟਾਉਣ ਲਈ ਬਹੁਤ ਸਾਰਾ ਪਾਣੀ ਪੀਓ
• ਜੇ ਤੁਸੀਂ ਬਾਹਰ ਕੰਮ ਕਰ ਰਹੇ ਹੋ ਤਾਂ ਐੱਨ 95 ਰੈਸਪੀਰੇਟਰ ਵਰਤੋ ਜਿਹੜਾ ਆਕੂਪੇਸ਼ਨਲ ਹੈਲਥ ਐਂਡ ਸੇਫਟੀ ਪ੍ਰੋਫੈਸ਼ਨਲਜ਼ ਵਲੋਂ ਸਹੀ ਤਰ੍ਹਾਂ ਫਿੱਟ ਕੀਤਾ ਗਿਆ ਹੋਵੇ

• ਜਦੋਂ ਵੀ ਸੰਭਵ ਹੋਵੇ, ਆਪਣੀ ਸਾਫ਼ ਹਵਾ ਵਾਲੀ ਥਾਂ ਨੂੰ ਗਰਮ ਦਿਨਾਂ ਵਿਚ ਆਰਾਮਦੇਹ ਪੱਧਰ `ਤੇ ਠੰਢਾ ਰੱਖਣ ਲਈ ਏਅਰ ਕੰਡੀਸ਼ਨਰਾਂ, ਹੀਟ ਪੰਪਾਂ, ਇਵੈਪੋਰੇਟਿਵ ਕੂਲਰਾਂ, ਪੱਖਿਆਂ, ਅਤੇ ਵਿੰਡੋ ਸ਼ੇਡਜ਼ (ਪਰਦਿਆਂ) ਦੀ ਵਰਤੋਂ ਕਰੋ। ਜ਼ਿਆਦਾ ਗਰਮੀ ਗੰਭੀਰ ਸਿਹਤ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ। ਗਰਮੀ ਬਾਰੇ ਜ਼ਿਆਦਾ ਜਾਣੋ

ਜੰਗਲੀ ਅੱਗ ਦੇ ਧੂੰਏਂ ਦੇ ਸਿਹਤ `ਤੇ ਅਸਰਾਂ ਬਾਰੇ, ਮੌਸਮ ਲਈ ਕਿਵੇਂ ਤਿਆਰ ਹੋਣਾ ਹੈ ਅਤੇ ਜੰਗਲੀ ਅੱਗ ਦੇ ਧੂੰਏਂ ਲਈ ਚੱਕਵੇਂ ਏਅਰ ਕਲੀਨਰਾਂ ਦੀ ਵਰਤੋਂ ਬਾਰੇ ਬੀ ਸੀ ਸੀ ਡੀ ਸੀ ਦੇ ਵੈੱਬਸਾਈਟ ਉੱਪਰ ਜ਼ਿਆਦਾ ਜਾਣੋ।

  ਬੀ ਸੀ ਸੀ ਡੀ ਸੀ - ਜੰਗਲੀ ਅੱਗ ਦਾ ਧੂੰਆ

ਏਅਰ ਕੁਆਲਟੀ ਹੈਲਥ ਇੰਡੈਕਸ ਟੂਲ (ਏ ਕਿਊ ਐੱਚ ਆਈ) ਇਕ ਟੂਲ ਹੈ ਜਿਹੜਾ ਲੋਕਾਂ ਦੀ ਇਹ ਸਮਝਣ ਵਿਚ ਮਦਦ ਕਰਨ ਲਈ ਤਿਆਰ ਕੀਤਾ ਗਿਆ ਹੈ ਕਿ ਹਵਾ ਦੀ ਕੁਆਲਟੀ ਕਿਵੇਂ ਉਨ੍ਹਾਂ ਦੀ ਸਿਹਤ `ਤੇ ਅਸਰ ਪਾ ਸਕਦੀ ਹੈ, ਅਤੇ ਹਵਾ ਦੀ ਕੁਆਲਟੀ ਖਰਾਬ ਹੋਣ ਵੇਲੇ ਉਹ ਆਪਣੀ ਰੱਖਿਆ ਕਿਵੇਂ ਕਰ ਸਕਦੇ ਹਨ। ਇਹ ਇੰਡੈਕਸ ਸੂਖਮ ਪਾਰਟੀਕੁਲੇਟ ਮੈਟਰ (ਪੀ ਐੱਮ 2.5), ਗਰਾਊਂਡ-ਲੈਵਲ ਓਜ਼ੋਨ (ਓ 3), ਅਤੇ ਨਾਈਟਰੋਜਨ ਡਾਇਔਕਸਾਈਡ (ਐੱਨ ਓ 2) ਦੀ ਮਿਣਤੀ `ਤੇ ਆਧਾਰਿਤ ਹੈ ਅਤੇ ਬੀ.ਸੀ. ਭਰ ਵਿਚ ਰਿਪੋਰਟ ਕੀਤਾ ਜਾਂਦਾ ਹੈ। ਬੀ ਸੀ ਸੀ ਡੀ ਸੀ ਦੀ ਇਸ ਤੱਥ ਸ਼ੀਟ ਤੋਂ ਇਸ ਬਾਰੇ ਹੋਰ ਜਾਣੋ ਕਿ ਇੰਡੈਕਸ ਦਾ ਹਿਸਾਬ ਕਿਵੇਂ ਲਾਇਆ ਜਾਂਦਾ ਹੈ।    

ਪੀ ਐੱਮ 2.5 ਦਾ ਇਕੱਤਰੀਕਰਨ ਜੰਗਲੀ ਅੱਗ ਦੇ ਧੂੰਏਂ ਦੀ ਹਵਾ ਦੀ ਕੁਆਲਟੀ ਦਾ ਸਭ ਤੋਂ ਬਿਹਤਰ ਮਾਪ ਹੈ ਅਤੇ ਇਸ ਦੀ ਰਿਪੋਰਟ ਬੀ ਸੀ ਵਿਚ ਕਈ ਰੈਗੂਲੇਟਰੀ ਗਰੇਡ ਸੈਂਸਰਾਂ ਵਿਚ ਦਿੱਤੀ ਜਾਂਦੀ ਹੈ (ਡੈਟਾ ਮੈਪ)।

ਘੱਟ ਲਾਗਤ ਵਾਲੇ ਏਅਰ ਕੁਆਲਟੀ ਮੌਨੀਟਰਜ਼ (ਘੱਟ ਭਰੋਸੇਯੋਗ ਪਰ ਅਜੇ ਵੀ ਚੰਗੇ) ਤੋਂ ਪੀ ਐੱਮ 2.5 ਡੈਟਾ ਉਨ੍ਹਾਂ ਇਲਾਕਿਆਂ ਵਿਚ ਦੇਖਿਆ ਜਾ ਸਕਦਾ ਹੈ ਜਿੱਥੇ ਰੈਗੂਲੇਟਰੀ ਸੈਂਸਰ ਉਪਲਬਧ ਨਹੀਂ ਹੋ ਸਕਦੇ ਹਨ (ਡੈਟਾ ਮੈਪ)।

ਵੀ ਸੀ ਐੱਚ ਦੇ ਇਲਾਕੇ ਵਿਚ ਹਵਾ ਦੀ ਕੁਆਲਟੀ ਦੀਆਂ ਇਨ੍ਹਾਂ ਸੂਚਨਾਵਾਂ ਨੂੰ ਦੇਖੋ:

ਮੈਟਰੋ ਵੈਨਕੂਵਰ ਵਿਚ

ਜਦੋਂ ਮੈਟਰੋ ਵੈਨਕੂਵਰ ਅਤੇ ਫਰੇਜ਼ਰ ਵੈਲੀ ਰੀਜਨਲ ਡਿਸਟ੍ਰਿਕਟ ਦੇ ਵੱਡੇ ਹਿੱਸੇ ਵਿਚ ਹਵਾ ਦੀ ਕੁਆਲਟੀ ਆਰਜ਼ੀ ਤੌਰ `ਤੇ ਖਰਾਬ ਹੋ ਜਾਂਦੀ ਹੈ, ਜਾਂ ਇਸ ਦੇ ਛੇਤੀ ਹੀ ਖਰਾਬ ਹੋਣ ਦੀ ਸੰਭਾਵਨਾ ਹੁੰਦੀ ਹੈ ਤਾਂ ਮੈਟਰੋ ਵੈਨਕੂਵਰ ਵਲੋਂ ਹਵਾ ਦੀ ਕੁਆਲਟੀ ਦੇ ਸੰਬੰਧ ਵਿਚ ਵਾਰਨਿੰਗ ਜਾਰੀ ਕੀਤੀ ਜਾਂਦੀ ਹੈ।

ਮੈਟਰੋ ਵੈਨਕੂਵਰ ਤੋਂ ਬਾਹਰ

ਜਦੋਂ ਸੂਬੇ ਦੇ ਇਲਾਕਿਆਂ ਉੱਪਰ ਜੰਗਲੀ ਅੱਗ ਦੇ ਧੂੰਏਂ ਦਾ ਅਸਰ ਪੈਂਦਾ ਹੈ ਜਾਂ 24 ਤੋਂ 48 ਘੰਟਿਆਂ ਦੇ ਵਿਚ ਵਿਚ ਅਸਰ ਪੈਣ ਦੀ ਵਾਜਬ ਸੰਭਾਵਨਾ ਹੁੰਦੀ ਹੈ ਤਾਂ ਬੀ ਸੀ ਮਨਿਸਟਰੀ ਔਫ ਇਨਵਾਇਰਨਮੈਂਟ ਐਂਡ ਕਲਾਈਮੇਟ ਚੇਂਜ ਸਟਰੈਟਜੀ ਵਲੋਂ ਸਮੋਕੀ ਸਕਾਈਜ਼ ਬੁਲੇਟਿਨ ਜਾਰੀ ਕੀਤਾ ਜਾਂਦਾ ਹੈ।

ਮੈਟਰੋ ਵੈਨਕੂਵਰ ਦੇ ਵੈੱਬਸਾਈਟ ਉੱਪਰ ਹਵਾ ਵਿਚ ਧੂੰਆ ਹੋਣ `ਤੇ ਜਾਰੀ ਹੋਣ ਵਾਲੀਆਂ ਵਾਰਨਿੰਗਾਂ ਦੀਆਂ ਕਿਸਮਾਂ ਬਾਰੇ ਜ਼ਿਆਦਾ ਜਾਣੋ, ਇਹ ਜਾਣੋ ਕਿ ਇਹ ਕਿਵੇਂ ਪਤਾ ਲਾਉਣਾ ਹੈ ਕਿ ਹਵਾ ਵਿਚ ਧੂੰਆ ਹੈ, ਅਤੇ ਤਾਜ਼ਾ ਜਾਣਕਾਰੀ ਕਿਵੇਂ ਲੈਂਦੇ ਰਹਿਣਾ ਹੈ।

  ਮੈਟਰੋ ਵੈਨਕੂਵਰ – ਜੰਗਲੀ ਅੱਗ ਦਾ ਧੂੰਆ ਅਤੇ ਹਵਾ ਦੀ ਕੁਆਲਟੀ

ਵੀ ਸੀ ਐੱਚ ਦੇ ਇਲਾਕੇ ਵਿਚ ਹਵਾ ਦੀ ਕੁਆਲਟੀ ਦੀਆਂ ਇਨ੍ਹਾਂ ਸੂਚਨਾਵਾਂ ਨੂੰ ਦੇਖੋ:

ਮੈਟਰੋ ਵੈਨਕੂਵਰ ਵਿਚ

ਜਦੋਂ ਮੈਟਰੋ ਵੈਨਕੂਵਰ ਅਤੇ ਫਰੇਜ਼ਰ ਵੈਲੀ ਰੀਜਨਲ ਡਿਸਟ੍ਰਿਕਟ ਦੇ ਵੱਡੇ ਹਿੱਸੇ ਵਿਚ ਹਵਾ ਦੀ ਕੁਆਲਟੀ ਆਰਜ਼ੀ ਤੌਰ `ਤੇ ਖਰਾਬ ਹੋ ਜਾਂਦੀ ਹੈ, ਜਾਂ ਇਸ ਦੇ ਛੇਤੀ ਹੀ ਖਰਾਬ ਹੋਣ ਦੀ ਸੰਭਾਵਨਾ ਹੁੰਦੀ ਹੈ ਤਾਂ ਮੈਟਰੋ ਵੈਨਕੂਵਰ ਵਲੋਂ ਹਵਾ ਦੀ ਕੁਆਲਟੀ ਦੇ ਸੰਬੰਧ ਵਿਚ ਵਾਰਨਿੰਗ ਜਾਰੀ ਕੀਤੀ ਜਾਂਦੀ ਹੈ।

ਮੈਟਰੋ ਵੈਨਕੂਵਰ ਤੋਂ ਬਾਹਰ

ਜਦੋਂ ਸੂਬੇ ਦੇ ਇਲਾਕਿਆਂ ਉੱਪਰ ਜੰਗਲੀ ਅੱਗ ਦੇ ਧੂੰਏਂ ਦਾ ਅਸਰ ਪੈਂਦਾ ਹੈ ਜਾਂ 24 ਤੋਂ 48 ਘੰਟਿਆਂ ਦੇ ਵਿਚ ਵਿਚ ਅਸਰ ਪੈਣ ਦੀ ਵਾਜਬ ਸੰਭਾਵਨਾ ਹੁੰਦੀ ਹੈ ਤਾਂ ਬੀ ਸੀ ਮਨਿਸਟਰੀ ਔਫ ਇਨਵਾਇਰਨਮੈਂਟ ਐਂਡ ਕਲਾਈਮੇਟ ਚੇਂਜ ਸਟਰੈਟਜੀ ਵਲੋਂ ਸਮੋਕੀ ਸਕਾਈਜ਼ ਬੁਲੇਟਿਨ ਜਾਰੀ ਕੀਤਾ ਜਾਂਦਾ ਹੈ।

ਮੈਟਰੋ ਵੈਨਕੂਵਰ ਦੇ ਵੈੱਬਸਾਈਟ ਉੱਪਰ ਹਵਾ ਵਿਚ ਧੂੰਆ ਹੋਣ `ਤੇ ਜਾਰੀ ਹੋਣ ਵਾਲੀਆਂ ਵਾਰਨਿੰਗਾਂ ਦੀਆਂ ਕਿਸਮਾਂ ਬਾਰੇ ਜ਼ਿਆਦਾ ਜਾਣੋ, ਇਹ ਜਾਣੋ ਕਿ ਇਹ ਕਿਵੇਂ ਪਤਾ ਲਾਉਣਾ ਹੈ ਕਿ ਹਵਾ ਵਿਚ ਧੂੰਆ ਹੈ, ਅਤੇ ਤਾਜ਼ਾ ਜਾਣਕਾਰੀ ਕਿਵੇਂ ਲੈਂਦੇ ਰਹਿਣਾ ਹੈ।

  ਮੈਟਰੋ ਵੈਨਕੂਵਰ – ਜੰਗਲੀ ਅੱਗ ਦਾ ਧੂੰਆ ਅਤੇ ਹਵਾ ਦੀ ਕੁਆਲਟੀ